С.Өтебаев атындағы Жылыой мұнай және газ технологиялық колледжінде «Табысты колледж түлектері және жас мамандар» тақырыбында тағылымды кездесу ұйымдастырылды.

Кездесудің басты мақсаты – колледж түлектерінің кәсіби жетістіктерін насихаттау, білім алушыларға мамандық таңдаудың маңызын түсіндіру және жас мамандарға еңбек жолында бағыт-бағдар беру.

Бегалы Нұрлан Нұрбайұлы – «Электр жабдықтары» мамандығының 2026 жылғы түлегі.
Колледж қабырғасынан алған кәсіби білімін өндірісте шыңдап, қазіргі таңда «Ембімұнайэнерго» басқармасына электрик лауазымына вахталық әдіспен жұмысқа қабылданды.

Төлепов Медет Жалғасұлы – «Автомобиль көлігіне техникалық қызмет көрсету» мамандығының 2011 жылғы түлегі.
Бүгінде өз мамандығына адалдығын кәсіпкерлікпен ұштастырып, «АДІЛ сервис» мекемесін ашып, автокөліктерге жөндеу және техникалық қызмет көрсету жұмыстарын жүзеге асырып келеді.

Білім – мамандыққа бастайды, ал еңбек пен ізденіс – жетістікке жеткізеді!

Бүгінгі түлектер – ертеңгі жас мамандарға үлгі. Олардың кәсіби жолы колледжде алған білімнің өндірісте өз нәтижесін табатынын көрсетеді.

Түлек жетістігі – колледж жетістігі!
Мамандық таңда